Түсінде сыйлық көру нені білдіреді?

Сыйлық беру – әлеуметтік қарым-қатынастың символдық түрі және түс бейнесі ретінде басқалармен қарым-қатынасымыздың сипаты туралы дерек береді. Әрине, сыйлықтардың қуанышпен қабылдануы не қабылданбауы олардың мағынасында шешуші рөл атқарады. Туған күн сияқты мерекелік сәттерде көп сыйлық алу түс көрушінің өзгелер алдында қадір-құрметке ие екенін айқындайды, ал орынсыз мезгілде келетін сыйлықтар түс көруші қажетсіз кеңестердің «шабуылына» ұшырауға бейім екенін білдіруі мүмкін. Сыйлық сатып алу – белгілі бір адам үшін ерекше күш салу ниетімізді меңзеуі мүмкін немесе бұлыңғырлау түрде оған деген жомарттық сезімдерімізді білдіруі ықтимал. Егер сыйлық ерекше қымбат болса, бұл түс көрушінің ерекше құрбандық жасауға немесе екінші адамға аса маңызды түрде көмектесуге, қызмет етуге деген тілегінің символы болуы мүмкін. Ал керісінше, өзгелерді сыйлыққа көміп тастау, әсіресе олар қабылдамай қойса, түс көрушінің кеңес түріндегі «сыйына» шектен тыс сенетінін, қажетсіз жерде көңіл бөлуін немесе өзгелерге ұнамды болуға орынсыз талпыныстар жасайтынын көрсетер. Соңына дейін ашылмай қалған сыйлық көбіне жасырын құпияларға қатысты болады: түс көруші оларды тарқата бастағанымен, әзірге олар ішінара беймәлім күйде қалады; бұл жерде берілер хабар – табандылық танытса, мұндай құпиялар ашылуы мүмкін.

Дэвид Фонтана